WAUMINI WA KIISLAM WAASWA KUENDELEZA MEMA YA RAMADHAN.

Posted on: April 12th, 2024

Katibu Tawala wa Wilaya ya Tanganyika Bw. Lincoln Tamba amewaasa waumini wa dini ya Kiislam wilayani Tanganyika na Tanzania kwa ujumla kuendeleza matendo mema waliyoyafanya msimu wa Ramadhan ili kuendelea kujiweka karibu zaidi ya Mungu wao,

Mheshimiwa Tamba ameyasema hayo jana wakati wa hafla ya Baraza la Eid El Fitr la wilaya ya Tanganyika lililofanyika katika shule ya Mpanda Ndogo iliyopo wilayani humo,

“Kwahiyo niwaombe ndugu zangu waislamu tuendelee kutenda matendo mema kama ambavyo tulivyokuwa tukifanya wakati wa Ramadhan ili tuzidi kujinyenyekeza kwa Mungu wetu” alisema Mh. Tamba,

Kwa upande mwingine Mheshimiwa Tamba aliwataka viongozi wa Bakwata wilayani humo kujiwekeza kwenye taasisi mbalimbali zinazoweza kusaidia kutoa huduma kwa watanzania kama vile vituo vya afya, viwanja vya michezo, shule za nursery, primary secondary ili kuweza kuisaidia serikali kutoa huduma kwa jamii,

Baraza la Eid linafanyika kama muendelezo wa kusheherekea sikukuu ya Eid El Fitr kwa waislam ambao walikuwa na mfungo wa Ramadhan ili kuzidi kukumbushana kumcha Mungu.

#BarazaLaEidTanganyika #TuhifadhiMisitu.