Jamhuri ya Muungano wa Tanzania Ofisi ya Rais, Tawala za Mikoa na Serikali za Mitaa Tanganyika District Council

TIMU YA WATU WAPATAO 70 KUTOKA MTWARA YATUA TANGANYIKA KUJIFUNZA BIASHARA YA CARBON.

Posted on: February 17th, 2024

Halmashauri ya wilaya ya Tanganyika Mkoa wa Katavi imeendelea kupokea wageni kwa ajili ya kujifunza biashara ya Carbon (hewa ya ukaa) ambapo timu ya watu takribani 70 kutoka Mkoa wa Mtwara imewasili jana kujifunza biashara hiyo.

Timu hiyo iliyoongozwa na Mwanahamis Mnkunda, Mkuu wa Wilaya ya Mtwara, aliyemwakilisha Mkuu wa Mkoa wa Mtwara baada ya kuwasili na kupokelewa na wenyeji wao ilipata fursa ya kuketishwa darasa na kupata fursa ya kuelezwa namna mradi wa carbon unatekelezwa ndani ya Halmashauri ya Tanganyika.