DC BUSWELU ZIARANI UKAGUZI WA MIRADI YA UJENZI

Posted on: March 14th, 2024

Mkuu wa wilaya ya Tanganyika mkoani Katavi Mh. Onesmo Buswelu leo amefanya ziara ya kukagua maendeleo ya ujenzi wa miradi mbalimbali inayoendelea kujengwa katika wilaya hiyo,

Akiwa katika kijiji cha Majalila, Mh Buswelu amekagua ujenzi wa Bweni la wasichana linalojengwa katika shule ya sekondari ya Majalila na kuwataka wasimamizi wa mradi kuhakikisha ujenzi unakwenda kwa kasi na kukamilika kwa wakati,

Vilevile alipokuwa katika shule ya Msingi Mpanda Ndogo, Mh Buswelu alisisitiza uaminifu kwa watumishi katika usimamiaji wa miradi hiyo ili iweze kuwanufaisha wanafunzi wenye mahitaji maalumu wanaopata elimu katika shule hiyo,

Pia Mheshimiwa Buswelu alitembelea ujenzi wa shule ya msingi ya mchepuo wa Kiingereza inayojengwa na Halmashauri ya Tanganyika ambayo ujenzi wake unagharamiwa kwa fedha za mapato ya ndani na kuhimiza kumalizika kwa haraka ili mwakani waanze kudahili wanafunzi,

Mheshimiwa Buswelu alihitimisha ziara yake kwa kutembelea mabweni katika shule ya sekondari ya Kakoso na kumtaka Mkurugenzi wa Halmashauri hiyo kutafuta fedha haraka iwezekanavyo ili kumalizia ujenzi na wanafunzi wahamie haraka.